Ñkaná - Kõs B'áa Õbeñ
 |
A ñgá bo náa, Kõs a mbê a toó ê jàle dé. A mbê a bilí abeñ nyúl. Nyúle jèé é mbê ä abeñê biset. Éyoñ Kõs a ñgá fombô ánòn avók, ve ê teme náa anòn éziñ é mbê é bilí ésete jiá, anê èvíndi, èfúmúlu, õkol, èvêle, zo'oboó, mfôl, èfañ, mfumbí, akeeke. Mbôle Kõs a mbê abeñ ä a faaé, ánòn ávòk é mbê é kômbõ'õ ä sê'ê nye. Mõs éziñ, Kõs a ñgá jô na a a zu volô ánòn ávók. Ê nde Kôs a ñgá ke ôsôé. A mane limi betä abôñ ôsôé. A mane fe bô' éto' été. A ñgá sal èto' éte bifas bílál náa èfas ése j'á ye bií meyañ m'éziñ. Èfas ése é mbê é bilí mendím mé. Èfas jíá é mbê é bilí évêle mêndím. |
Éfas èvó' é mbê é bilí évíndi mêndím. Éfas j'á sú'úlan é mbê é bilí éfúmúlu mêndím. Kõs a ñgá kõmesan ê fe abúí a ê ye belan dê ású ésáé jé.
Ane Mba a ñgá so. Ê nde Kõs a ñgá dup nye évêlê.
Nálé fe abui ánòn é ñgá só. Ê nde Kõs a ñgá dup bê mevále mevál, a bela'an abúí ä mendím biset mevále mevál.
Nálé fe Õbeñ a ñgá zu ê vôme Kõs a mbê a sete'e anon. Vedá Õbeñ a ñgá ke têbe ê ntyáé élé, a teke'e jô jôm, a teke'e kóbô.
Kõs a ñgá ke ôsú a a bo ésaé jé, akêkúí ánòn és'é ñgá mane ke.
Éyoñ Kõs báa Õbeñ bê lí'i ya, ê nde Kõs a ñgá síli Õbeñ náa, "Wo bo jé va? Wo yi jé?" Ôbeñ a ñgá yalane náa, "M'a yi ô dup ma mesaé."
Kõs a ñgá fíás, a jô Ôbeñ náa, "Kôlô'õ ma mís! Anòn ábui d'á toó va. Éyoñ ánòn ávò' d'á toó é síli'i náa mê set dê, wo bê ê vé?"..
Anê Õbeñ a ñgá yalane náa, "Ê nde ñhe mê bo áyá?"
Ê nde Kõs a ñgá dup abúí éfas jíá. A n'a ñgá bíbi Õbeñ abúí ê nsoñ ä ê mebo.
Ajô te Õbeñ a bilí évêle mebo ä étun évêle nsoñ.
Mimféfé Bífíá
- éfañ: navy (color)/bleu foncé
- éset (biset): color(s)/couleur(s)
- mfôl: yellow/jaune
- mfumbí: orange (color/couleur orange)
- õkol: grey color/gris (couleur)
- e set: to colorize, to paint/colorier, mettre de la painture
- zo'oboó: green/vert