A ñgá bo náa Kúlu b'áa Zeê bê mbê ámvôé. Bê mbê fe bê toó ê nlam wúá. Ê nlam wóp ô mbê ô bilí bet'õsôé.
Bebe môs ôse, Kúlu b'áa Zeê bê mbê bê kelek ôsôé na bê ke wóban. Vedá, Zeê a mbê a koo ôsôé wòñ. Ve èyoñ ése, Kúlu a mbê a wua émíén ôsôé. Kúl'á ñga jók. Á ñga jók. Á ñga jók. A kel'ôsôé yàt. A betá só. Nálé mõs ôse.
Mõs éziñ, Zeê a ñgá jô Kúlu náa, "Za'ak, bí ke ba ê miñkúl. Wo, õ ba ê ñkúl wôé. Ma ê fe, m'a ye ba ñkúl wom."
Kúlu a ñgá kañese, nyêe Zeê na, "Mbo'ó fó'ó nalé."
Anê Kúlu b'áa Zeê bê ñgá ke áfan. Kúlu b'áa Zeê be ñgá ba'aé bet'élé. Anê bê ñgá tyí'í mebóñ mêbàé. Kúl'a ñgá nyoñ abóñ dá. Zeê a ñgá nyoñ ábóñ ávók.
A bela'an ábóñ dé, Kúlu a ñgá mane ba ê ñkúle wé. Zeê fe, a ñgá mane ba ê ñkúl.
Éyoñ Kúlu b'áa Zeê bê mane ya ê ba miñkúl míáp, bê ñgá táté náa b'á bôme míê. Zeê ñnye a ñgá táté bôm ñkúl wé.
Éyoñ Zeê á manêe ya, ê nde Kúlu a ñgá káa náa ä bõm ñkúl wé.
É ñgá bo náa, ñkúle Kúlu ô ñgá bo mváé ya ê wôk. Zeê ve ê zu táté náa ä kômbõ. Á kôlô yà ñkômbán, Zeê a ñga bo éviele.
Mõs ôse, Zeê á ñga bo èviele, èviele, èviele.
Ê mõse wu, Zeê nye na ä zu nyoñ, ñgê ke náa ä zu wõlè, ñkúle Kúlu ä ñgul.
Nanê Kúlu a ñgá yem, ê nd'a ñgá be'e ñkúl wé. A tátée mbíl náa ä túp. Ve nanê Zeê a ñgá yêne Kúlu a túbuk, Zeê a ñgá ke a leñe Kúlu.
Bêbaáne bê ñga ke mbíl áfan. Bê kelek mfá'á y'ôsôé. Kúlu ôsú. Zeê a za'a nyê ê mvús.
Éyoñ bê ñgá kúi mfôm ôsôé, anê Kúl'a ñgá yôo ôsôé ä ñkúle wé. A ñga ke a jók. A kê kúi ôsôé ê yàt.
Ve Zeê a mbê a koo ôsôé wòñ. A mbê fe teke yeme jók. Anê Kúl'a ñgá ke ä ñkúle wé, ä Zeê a ñgá bo teke nyê wõlè ñkúl.
An'ámvôé Kúlu b'áa Zeê é ñgá man.