Éfek é n'éve'ela j'á liti fek. Bemvámbá báñgán be ñgá té abui bifek bê; lí'í fe bía bíêê. Vedá melú maná, bíá fe bí ñgenan bíá ke bíá té bife' amú bí á belane fe'e bevámbá bê ñgá lí'í bíá.
Ê váná, w'a ye koene abui bife' bí tôkane ya.
| # | Ñkaná | Atinán | |
| 001 | A wôé étám, a ba ê aa bobênyàñ. | Zenê ya ê líti me belane ê zàñe bobênyàñ. | |
| 002 | A wô'ô bo náa be sôm b'á kóé ñgon, Zuameyoñ wo'o ke biñgôbindôñ. | Wo te e yem ê jam d'á boban, ô víáne ke tebe ve nê zemete. | |
| 003 | Abé nyiá mintyañ mintyañ, món ve ê nyáñ. | Mõt wôé a kusá bo avale ése a né, woò vo'o ben e nye. | |
| 004 | Abím nté ônòn nde dumbá'á | ábíme ñgule mõt é né, abíme te fe mebelán | |
| 005 | Abô' é se ébôn, õ zemêe betaa ébañ miñkôk. | Ë jam é njí fombô wo, õ víane yeñgan été Koffi Obansanjo á vê ya éyalá (èyalán éte é têle nê tílíñ) | |
| 006 | Abô' é sê ñgone nyôl, bê na fé é ne tee míêl | Ñge bê vê míá mõt ñgap, ô mane belane amú aa yeme náa b'á ye betá ve íá nye ve e kune émién | |
| 007 | Ajô éte é ne abôm anê kóé (Ajô ét'é n'abôm anê kóé). | Ajô éte é ne été. Ê jam wo jô le, b'áa vo'ò ke sôo dê (b'áa vo'ò ke sôane dê). |
|
| 008 | Ajôô a a wulu ê fálák, ñkate a a wulu ê nseñ. | Ajô ése d'á kúlan. | |
| 009 | Akap akap mvo'óé, afome afome mvo'óé, nwôka'anê a ákeeke ê medu'án. | ||
| 010 | Akap é n'èkõlá. | Ë bõt b'á wulu nsámbá be ne avále mefúlú dá. | |
| 011 | Ake’aba ato be mienê | Eyoñ ñgaé éne aba mõt ase ayeme nyô ñgal ate lom. | |
| 012 | Akôlõ vá a a tabe vá a ñgá vê nya ê mõtõ ôñgbwátêñgbwát. | ||
| 013 | Akút é bilí mbón, mimfefê'ê mí ñgá zuu bikon. | ||
| 014 | Alú é kúsa tabe áyap, tyé j'a ye ê fe léndè. | Jam e kúsa tabe áyap, d'á ye fe man | |
| 015 | Anê b'á líti ñkoé mekàn. | ||
| 016 | Anê b'á sõp èbônê ñgon ôsôé, metyi ve ê kúi. | ||
| 017 | Añgúkùm d'á kalan ê minláñ. | Mõt a ne bo náa éyoñ aa ê ke aa bo ê mam m'ézêmbe mé, wo'o ke õ toò ô yêne, mam mête mê ñgá kábetan wo | |
| 018 | Asõ'õ d'á nyiñ ê mvúse mevêmbê. | ||
| 019 | Asôñ dá é ñgá bolè anyu. | ||
| 020 | Asô' é ne te ê sõ' èsõ'ô sõ'õ. Asõ'õ [ d'á ] ê sõ' ô sõ' èsõ' ô sõ'õ. |
||
| 021 | Atyêñê meba mê ñka'á. | ||
| 022 | Avále bi ñgá dí nyiá Kúlu ê nde bi á zu dí nyiá Zeê. | Avále bí ñgá tabe ébe'e jam nde fe bí á zu tabe ébe'e jôé. | |
| 023 | Avál'anê nlam, avál'an'ába ê sô. | Avále ane ayoñ avál'ane metum. | |
| 024 | Aveñ ábàé é ne te têbe ñkõle wúá. | Miñguñgúl míbàé mí á ê têtebe vôm ê wuá. | |
| 025 | Avôle ya ê wôk, õteêtê'ê ya ê yalan. | Fúlúu jin | |
| 026 | Awo'óne d'áa bubup ñkpwêl éñgoñ. | Awô'ône é ne jôme ya étun éyoñ. | |
| 027 | Ayeñ aa bóñgô a ñgá sóo mimbaáne (--bóñgô bê ñgá mane nyê ba--) | Ê mô a e wulu aa boñgô a ne kom ve ê sáme Éyoñ ése wo e bo mam aa boñô, w'a ye sú'úlan teke fe nya e jam |
|
| 028 | Ayõl ê mbõñ, te ê ke ézà ányu. | Mõt áse émien aa tyi'i ajô dé | |
| 029 | Be mvú tee woñ, meñgõñ tee duñ, be nyiñgone ve éto éto aba | ||
| 030 | Á Mesete, ye mesiñ te tyamé va aná? | Nalé náa zô'ôé j'a be boban, wo ô ntòo ve ôlún ôlún. | |
| 031 | Á ntóo jé ye biôme bí ébône bi Mvelle Ako'o^ | ||
| 032 | Á ñkóñgo zá a a mvôtõ? | Éyoñ míá mõt mí á te káádán metyiñ, nye ve ê ku. | |
| 033 | Ájô di é ne mbile Zee ñka'á. | Ô lí'í áfan. bidim. Ô kele nye e nlam, bidim. | |
| 034 | Ánòne d'á kún ê tyée melendé, ê nde d'á bômbô abum. | ||
| 035 | Bê ne teke wua ôfeba'a ê fé te náa õ tôba'an kuna tyé | ||
| 036 | Bê ñgá nyùme wo’o njem ane be ñga mé’é sek | éyoñ ba nyume mõte wua be viane ve mõt mbok | |
| 037 | Bebé ñgui é ñgá bú'i mfan | ||
| 038 | Befê bê ja’a mvín, befê ke mbone ányu | Befê bê bo’o jam, befê ke õ víáne bi? Ane áyá na mõt mfê a sep é, mfe ke ñnye b'á ve bijõ (ñ ke náa mfê ke ntilde;nye aa ê nyoñ mekua)? Befê bê bu'uban, me'e ke me wò'o minjuk |
|
| 039 | Bekôn bekôn b'áa bo e ke besobôsobô | Ë bõ b'á kõmõ yeman, wuá a e vo'ò ke du'nyí mbok Bôt bê njí yiane kobô e jame d'á bo bê na bê kobô é njí bo |
|
| 040 | Bekúl bekúl b'áa tetane akot | Ê bõte bê ne avále dá, b'á vo'o taan | |
| 041 | Beta ñgaé te dañe kpwem | Mveáne ô njí dañ amu ñkúkúm | |
| 042 | Beyêñ abum, bemie jale abum | Te mane ve beyeñ biõm bíse | |
| 043 | Bê ê wô'õ ke vúán ôtõtõñ ô ñgá nyúu wo mendím ésep. | ||
| 044 | Biáne be kúp aa ve bekúp ntyel | Avále bifiá b'iziñ bí á bo bôt ve e tyetebe. | |
| 045 | Bilé bí nê minté, mbie bíá kalane bekoé. | ||
| 046 | Bivôé bí ne bive'ela bí ndum. | ||
| 047 | B'á bo bê loene mvú bê bilí mbêñ. | ||
| 048 | B'á ba'aé èsep ôñgêm. A a ba'aé èsep ôñgêm | ||
| 049 | B'á yeme ñgon ê mōs ê mevek | ||
| 050 | Ê móñgô á ku ya ê yôp a ne (kóm) ve ê kê a a ve’e mindík. | ||
| 051 | Õvôn ô ñguma’an ê yêm ê ñkêl aa mbõmelán, ñguma’ane ke ñgê w’á fáa. | ||
| 052 | Te tátè wôé zok. Tátè’è sep étom, ndembêm wo (w’a) ê ye yem ê kap ê zok. | ||
| 053 | Ñg’ô biasé zêsól, míñkôt mí nê nye ê mebo, õ dí zeê ébòl. | ||
| 054 | M'a yi nsom ê Nanê, á zu náa bí wõé ayáñ. Ve ayáñ d’á beta ke, nsom ê Nanê a têle, áyá? Kpwáñwóé a ñgá wõlè Ndám Ê Ñgo’o èkóñ, a a dañ ású mfan, a a dañ ê miat mfan õtóñ. | ||
| 055 | Mbán étò ê siá ô ñgá wôé ñgúm ê mvom aa èsala’ étò. | ||
| 056 | B'á keke mvan a éza mfek bibôbolo. | ||
| 057 | B'á yem èbol ê kòs ányu. | ||
| 058 | B'áa bo bê wua mône kúpe fé a ñgenáne a tate'ek. | B'áa bo be tyi'i mõte ajô a ñgenane a bilí jame ya e jô. | |
| 059 | B'áa bo bo bê nya’a abí ábanda | B'áa tyamane ke mõt amú ô ñga kôlô vôm | |
| 060 | B'áa dídi ntú kúp ê nlam ô nêe wo mõte mvam | Wo ê vo'ò ke tôbán abé ê vôme bõt b'á yeme wo bê né. Ê mõt a ê nye'e wo, a ê vo'ò ke kañese náa abé é bi wo. | |
| 055 | B'áa dídi ntu (èbole) kúp ê vôme mvemvame ô nêe wô | Mbía jam aa vo'o wo kúi ê vôme mõte mvam anêe wo | |
| 056 | B'áa nyônyoñ ñgap amú na ô bete ékôndôk | ||
| 057 | B'áa tôtôñe ñkone metôé | B'áa sondô ke mváé | |
| 058 | B'áa wuwua ôfeba'a fé te tôbane kuna'a tyé | B'áa jôé ke jame wo bo te yênê jam afê | |
| 059 | Bíbáñ bí á ke e fé bí á wôé ánon | ||
| 060 | Biôm bí ntañan bí ne asú ane ôkpweñ | ||
| 061 | Bobênyañ be ñgá yêne nye anê ésíñgi, nde meku’aze | Eyoñ ba yene nye be biasé’é, nde mbo mam | |
| 062 | Boñgô b'á wu ñgbwele b'á si'ako na bivoé, ve be nyabôtô b'á wu amú mbáne ñkeáne | ||
| 063 | Dêne nyi, aakítí ke áyá | Éyoñ mõt a nê belane jôm éyoñ jíá | |
| 064 | Èkóé miê jàlêe j'á títane beyêñ. | ||
| 065 | Ê Fôl j'a e ke mba'abak j'a yem ayále | Mõt a a yem ê vô aa e ke | |
| 066 | È Jame dí é ne ntyañ ayáé menyet | Eyoñe jam é ne tyi'ibi | |
| 067 | Ê fôl j'a ke mba’abak j'a yem ayálê | mõt a yem vom ake | |
| 068 | Ë Jame di ene kul ayap, nyine étune | Jam éne tyi’ibi | |
| 069 | Ë jame é ñgá sòo melen nde é ñgá kôé afane biyo | Fúlú jôé ô ñgá sòo je nje b'á kobô | |
| 070 | Ê jôme j'á lõñelan j'á valè jí é bôô | Efia éziñ ja koñelan ajô ese | |
| 071 | Ê jôme j'á wôé sô, é ne sô ébíén mbiaé. | mõt émién aa wulu jé é bo ma | |
| 072 | Ê ko ê mebua aa kekame kõane | Bébé náa mõt aa wú fo’o ve zíñ | |
| 073 | Ê mam me ne ê nlam be Kúlu mê ne fe nlam ê be Zeê; | Avále bôt é ne nlame wú nde fe bê ne ê nlam õvòk | |
| 074 | Ê Móñgô a a yô a ê yeyañge ôndôndôo. Ê Móñgô a a yô a ne te ke yañge ê miñkõñ. |
Mõt a bilí na a a bo jam a ê yañge ki jam afê | |
| 075 | Ê moñgô a yõmõlõ miñnõm ñnye a nêe medô | Ê mõt a a jíbi minjù' mí mõt ñnye a wô'õ nyoñ élik, ñgê k'ébòtán. Ê mo&ñgô a a jíbi ba'ale ê benya bõtõ, ñnye a nêe bibòtán |
|
| 076 | Ê mvú j'a ê woñ j'a yem bobênyáñ bitaba'a | ||
| 077 | Ê nlame b'á síñ ê wo, ve ê lôt a mveñ ése. | Sa'ale e mõt a a víní wo | |
| 078 | Ê ndá é ne jiá, binoñ bí ne bíbaé | mõt áse a bilí miene | |
| 079 | Ê tít é ne áyap ê njêm, é ne te fáme ébas | Ê mõt a bilí abui nsámbá a ne te e kándá zô'é Éyoñ ô bilí abui bõ, wo yiane tabe e ntyêl, amú e jam ése d'a ye e be mõ y'été é ne timbi aa wo |
|
| 080 | Ê tít woò tyi, te bête je miñkôt | Wo kamane jôm ô nji belane je | |
| 081 | Ê títe wo e tyi, ê nje fe õdíídi | Ô víní'i mõ, õ nyoñe bíôm bíé | |
| 082 | Ê va a sê nseñ bíkêlá, ñgál nlak, ñnôme nlak. Ê va á ntòo anê nseñ bíkêlá, ñgál nlak, ñnôme nlak |
Ê vôm a nê te ke njôo | |
| 083 | Ë vie'ô ñgá yáme zok, ô ne te e mane menyum | Ë jame ô ñgá j'á bo ô e vo'o dê vúán | |
| 084 | Ê vite bikum aa njêmbàne be mi'a | Ebobo mame mi têle je, mõt a ye bo jame d'á wôé émién | |
| 085 | Ê vôm wo ê solè èzàn, õ wuá ôkôk | ||
| 086 | Ê wuá be wo'o aa njembane be ñgôé | ||
| 087 | Ébane é kusá tabe ê mendím mimbú áyap, é vo'o veñesane ê kòs | mõt a kúsá tabe éza áyoñ a ê vo'ó ke bo móne yà áyoñ éte | |
| 088 | Ébane jíá é ñgá yê'ê Ntêm | Ñgone jiá é ñgá fôlè ayoñ | |
| 089 | Èbol ányu a ñgá sò ndá be nyiá | ||
| 090 | Ébòle tít j'á sõõban a mendím, mejô ki m'á sõõban aa anyu. | Ébòl ájô j'á sõõban aa menyú mê bõt | |
| 091 | Ébônê miñgá te ê sobõ ê mōs ábíáé. | Jam é kusá sobô, ve môs éziñ d'á ye kúleban | |
| 092 | Édídi miñkôñ mi tele je e le, mõt a ye dí élôp | Ebobo mame mí tele je, mõt a ye bo jame d'á wôé émien | |
| 84 | Ényiñe mõt éne ane nlô nyat | Enyiñe môt éne abui mam | |
| 85 | Éto mbim é se me leba'a | éyoñe jam ékui ya, mõt áse aa yeme e jam a á yiane bo | |
| 86 | Ètome é ne abé ya ya’ane e jí ésoò a te lík, ve jí womíéne wo te sep é ne fo’o ve ya’ane jê | mõt áse aa nyoñ njuk ya mame mé | |
| 87 | Éyoñ ôsún ô betê éza ábin, ô ñga soo ñgondô | Te nene éza jam | |
| 88 | Éyoñe wo ê bo nyaá mõtõ boñgo be lõô wo | ||
| 89 | Éyoñ wo e sep étome ájape sí, ô si'a ko náa w'a ye yá'án aa bibone | éyoñe mõt a sepe étom fo’o ve émien aye ya’ane étom ete | |
| 90 | Fêfáé vú bõt bê ndá | ||
| 91 | Fe'e bidí é ñgá kate kúlu | ô kusá dañe yeme mam, jam éziñ d'á ye fe kate wo | |
| 92 | Fe'e miñkoé | Wo te miñgá, ve ô kobô'ô mame be lúk | |
| 93 | Fôkô'ô metyi, ésep j'á dañe mam abui | Bo'o mam avôl jam afe é za zu kòo wo | |
| 2 | Fú'an a ê ke ke mekòñ mêbàé | ||
| 94 | Jaányáñ te sú'u étyele mfêk. Jaányáñ te sú'étyele mfêk |
mõt áse a bilí ê vôm aa sò (mõt ás'a bil'ê vôm aa sò). Mõt ás'a bilí mienê. |
|
| 95 | Jíbi jíbi a ñgá tyí'í nsis | Te ê kañese épkwe'ele abui, ô za víáne sáme | |
| 96 | Jô'ô jôk á tye'eya ése'e sô | Akút é yemeya medu'án | |
| 97 | Jõ'ô jôk á tye'eya bisê'bí sô. Jõ'ô jôk a jõ'aa tyêmbe. (Espérance Abeng, J29/08/2019). Akút é yemeya mváé yaá bisê'bí sô (Espérance Abeng, J29/08/2019). |
Akut e yemeya meduan. Jõ'ô jôk á yemeya mváé y'ésêk (Carole Graff, J29/08/2019). A mbê a bo'o náa éyoñ Jõ'ôjô'aa ke melám (éyoñ aa ke a jii melám), an' sòo ñgap tít, aa kap mõt áse aa ê koene nyê ê zen. A kê kui ê ndá nyiá teke ê fe mvot ê tít. Ndáa bõ jéè é ñga ye wú aa õzáñ ve ê (Espérance Abeng, J29/08/2019).. Jõ'ô jôk a ne ê aa bê tee yem jôm é nê mváé, a ne ê mõt bê mbê bê du'uk éyoñ ése. Ve nanê bê sílí nye jôm, a veé. (Marcelling, J29/08/2019)Espérance Abeng |
|
| 98 | Jôñgôlô a mbe fe asú ane Abañ | Ñgôn jé bo fe ñnom | |
| 99 | Jôñgôlô a ne õñgóñgá mvús ve ê viane kútê mewul mê ntyi sí | mõt a bo ébiasé ve bõt bê yeme náa a ne èvôvoé | |
| 100 | Jôp te nyiine zia mbé | Mam teke wulu zôsô | |
| 8 | Kate ma za nye mia nye mia wulu ma ye kate wo za nye ôné | ||
| 88 | (Ê bõt bána, bê ne ane) Koé ba njêm | Amvôé | |
| 89 | Kúlu émien a yeme ôkot wôé aa viemele | mõt émien aa yeme jam a á bo | |
| 90 | Lombô aa to'ôbé náa bôte bôt | ||
| 91 | Mbamba miñga ya ézá nlam | Ô toò ñneñ wo ye yeme na e miñgá nyu a ne mbamba miñgá aya éyoñ wo loene nye mbamba miñgá ? | |
| 92 | Mbáne w'a súsup | Ôjíbí ô bilí ma'án | |
| 88 | Mbe'e ñkol ákpwel, a ne ve õjíbí. | ||
| 38 | Mboo mam a n'asú anê njênjêt. | ||
| 93 | Mboo (mbo) mam te nêne mimbiên | Ë mõt a á bo mam a ne teke ñgúm éyeka'a | |
| 94 | Me ko belombô woñ metin, te be jep | éyoñ wo semé mboane mféfé mõt | |
| 108 | M'a bété wo mvé ta'a e ndúan | ||
| 109 | M'a ke e jal a á wôwô'ô mveñ | Te e ko woñ ya e ke jále dôé | |
| 95 | Mebo me ñkpwek me ne teke èlok | Mebún amú ñgúme jam èziñ | |
| 96 | Mebúne me ñkpwe'm'áa keke ézá ndá | Mebún amú ñgúme jam èziñ | |
| 97 | Mebúne menen me ñgá selan éto mkpwek | Eyoñ mõt a á dañ yene émiene día, a ye bo momo | |
| 98 | Medí me jaé, ane te e ke éza ñka'a nlam | Éza jôm é ne fo'o ve éza jôm | |
| 99 | Medí me wo'o | Éyoñe mõt a ê belane ajô a biasè'è | |
| 100 | Mejii mêbaé aa vê mbim avoé | ||
| 101 | Mejô be mienlame mese ébôme mefoé beyeñ | Ë mame míá monyoñ me njí bo ású bôte befe | |
| 102 | Mendím m'á wulu kos, ñme fe m'á yame kos | Ë bôt b'á wulu wo mbe fe b'á wôé wo | |
| 47 | Mendím te té áyõl. | ||
| 103 | Menyôlôk mê miñgá mê ne te dañ ñkok | Zela'ane ane zañ fam a miñgá | |
| 14 | Miê mbim, mbim e nlô (--ê mõt a nêe a jô, ñnye a têlê ôsú) | Éyoñ ajô é ne ájô dôé, wo mién wo yiane tebe ôsú (e bõt bevok b'a ye tõñe wo). Éyoñ ajô é ne e ndáa bõ jõ, wo yiane tebe ôsú ô líti e bõ bevo' e zene míá yiane tôñ. Jam ése é bilí mienê |
|
| 104 | Mimbe'e mí ne aka'á sí, mõt áse a tòo'é éñgôé | Mõt áse a be'ê mbe'e wôé | |
| 105 | Minlo mí á nyiñ aa mintáé mí fôl | Mõt aa nyiñ aa jam èziñ | |
| 106 | Mintête'e be wo'o aa be nyiá be wo'o bêse ve éjõ'õba jíá | Miñguñgúl aa mintête'bêse b'a ye bo bisáé | |
| 107 | Mintyañ mí wô'ô man, mekane me lí'í | ||
| 102 | Miñkõlê te tôban. | Ê jam ése wo ê bo d'á ye zu ê be womíén | |
| 101 | Món a sêe mbíáé. Món a ne ve ntoñ. | Mvom éne so wo bevôm mevale meval | |
| 101 | Mone a nyak nseñe zañ a jeñ bebíáé. | Éyoñe moñgô a ê bo jam'èziñ, aa búni bebíáé | |
| 110 | Mone Búlu a jáme mfêk, te jám ányu. | Abui ñkobô, ja'a biôm bí mo bíá jêmban | |
| 22 | Monê kábat a a dí bíló'ó nyiá a a dí. | ||
| 111 | Mone kúp a a bo ê ke a wó'o dísê fôn. | ||
| 109 | éyoñe môt a bili ajo ve tate ke bemé bôt | ||
| 38 | Mone mimbemek te ku ñkatMone mimbêmêk a ne te ê ku ñkat | Éyoñe mõt a bilí ájõ ve tate ke bemé bõt | |
| 107 | Mone mvaé ve ndí'ndík | Mone aa bi fò'ò ve mefúlú bêbíáé | |
| 112 | Mone ndi a teke máte bidòk bé ésaá wôé | Mon a teke máte ésaá | |
| 113 | Mone ñnôm a ñgá jô móñgô na, "Wo mien ô bili tyé melendé." | Mõt a a yiane yeme jôm a ê yi. | |
| 101 | Moñgô aa tyityi'ñkôñ te wô yô | mõt a ne ébiasé a ne teke jê jô'é ñgê a njí tôbane melêp | |
| 6 | Mone ônon a ñgá wú fiañga | Mboáne ôbíéne ñwô w'á ye ve wo dúmá ñgê ôson | |
| 114 | Moónyàñ mõt a ne metyi m'ôyêm. | Õ ê vo'o ke sá'ále moónyòñ. A ne woómíén. | |
| 115 | Mõt a ne njêmban. Mõt a ne afõk. | Bôte mbê be n'ákum | |
| 116 | Mõt a ne te ê yeme nlò w'á ke mbim ê soñ. | Mõt te yene mfa'a mváé, ñgê abé bí ne so | |
| 117 | Mõt a n'abeñ meyen m'ôyap | ||
| 118 | Mõt áse aa yeme mvú jé mewôñ | Mõt áse aa yeme mõte wõé mefulu | |
| 119 | Mõt émién a ê wulu, jé é bo ma? | ||
| 101 | Mõt émíén aa vê mfe'wôé ô bo mfê'ôkôñ | mõt émíén aa vê jame dé momo jam | |
| 7 | Mó m'álô'õ ñme m'á vê álô'õ álô'õ. | ||
| 101 | Mvené ñgon te ke betá'aé ve be díi | Éyoñe mõt aa zu koene mõt, a táka'é ñgon, te nyê vòlô ve ñgê j'a toò mbêlán, v'aa kêlê kate bõte na, b'á dí ñgone ve te ma vê | |
| 101 | Mvin ékelé wo avôt ényii wô minsel, ko na minsel nde be ja’a zak | ñge mbamba jam éziñ aselane wo te dañe wo’ôlun, wô selane fe bikobôkobô ya bôt abui | |
| 38 | Mvú è ñgá jañgane nyiá aa mbáne mêyên. Mvú a ñgá jíi nyiá aa mbáne bivôé (ñge ke mbán meyên) | ||
| 121 | |||
| 101 | Mvú é ñguma'a dí ntu'éndélé, ñguma'ane ntu ékõp. | Mõt a ñguma'a bo bõte bé ñguma'ane éza bõt | |
| 106 | Mvúán è ñguma'ane nyan è têle ê tyia, ñguma'ane ñgê j'a ke ábum été | ||
| 120 | Mvune mfê'a sê ákut. | Ê mõt a á bô jam, aa yem e jôm a á soñ | |
| 123 | Nde'e te lí'ì abôlé | Jam ése é bilí éyoñ | |
| 38 | Ndôndôo a ñgá síli éláñ na wo èvêle, ma èvêle, ñne wo ê dañ ma ê vé? | ||
| 37 | Ndum j'a luk a bevañ | Ajô da nen a minkobô abui | |
| 38 | Ndútúu ñkol akpwel a ne õjíbí. | Eyoñ ô ne ntebe ôsú wo yiane bo ôjíbí | |
| 38 | Njêt è ve'áne kúm. Èsôs é ve'áne ntuk. | Njete nje ja bô mam | |
| 38 | Njôõ bõt te wúm ê sí jé. | Èbiasè | |
| 38 | Njóñê kΚulu ô ñgá betè kúlu émíéne nkóé yôp. | Mbia jam ase wo bo aye fe bi womien | |
| 38 | Nlame ôse ô bilí ásêñ ê fálák. | Ayoñ ése ébili fulu éziñ ja funane fuluya ayoñ afe | |
| 38 | Nlêm ñwõ w'á bê'ê ñnám. | Ê jam ése wo ê bo d'á só fó’ó ve ê nlêm. | |
| 38 | Nlo ô kone fôl, wu vok ôlôp | ||
| 19 | Nlóñ ô ne tín, ñnkoé a ne mõt émíén, jaányàñ te su ètyele mfêk | Be ne te suñ jom jé, jam ese e bili miene | |
| 38 | Nlô ô ñgá bene sikôlô, ñwô ô ñga jíbi mimbe'e | Nge wo bene sikôlô, bô’ô bisaé bi mo | |
| 101 | Nlúi melúí mé. Miê bityè, bítyè bíé. | Mõt áse a bilí ésáé jé. Mõt áse á bo'ó ésáé jé. | |
| 38 | Nsò a ñgá jô na, mõt a kôsá bo te dí ma, nyúle wòñ | Ê tabe bõte ntyêl | |
| 38 | Nté bí ñgênán Mebem, miñkóñgó mí sõ'õk ôsú, nsúka'ane vá, ndôn è ne ôsú | Éyoñ õ bilí betaa jame ya ê kômbõ bo éyoñ éte mí á télé ajô amú ajô ézà ndámán | |
| 38 | Nté ôsôé ô ñgenane (ñga'an) ñné mebòñ njõ'áne njõmesán | Nté môt ane ajo di ane momo njô’ane de | |
| 101 | Nté záme mebát, ñkõp bitune ê mebo | Nté jam a tele mvus, nkobo ke osu | |
| 38 | Ntyañ ayaé meenyet | Tyi’ibi | |
| 38 | Ñgál ôkpweñ a ñgá jô ñnôme na sí é wô'õ túi | Nya môto a liti mongo na si ébili mam mevale meval | |
| 38 | Ñgê ábine mon é dañe abin ésa á ntòo ôkôn (á ntòo ôyôñ) | ||
| 38 | Ñgê ákpwale é selane bijô'ôba, é ñgá dimi tyé melendé | Eyoñ bôt b'á kobô ajô dá, ñge be selane bitaba'a, be ñga kô woñ | |
| 38 | Ñgê fa é dañe akap, wôna é mbeme bu'i | Ñgê ô yene mõt a dañe zembe wô na a mbeme yene njuk | |
| 16 | Ñgê fa é sê fa meba'aé, ô some je ábam | Ñgê ô njí bi ê ñgule ya ê bo bitom, tabe'e nê sée | |
| 26 | Ñgê fe'édañ ábui, é viáne bo fe'e | ||
| 1 | Ñgê jôñgôlô aa wúí, ébômekôkot a li’i mfê'ê mebel | Ñgê mônyoñ a jemban ôli’i bilik bié | |
| 1 | Ñgê kòé aa ke kalane, nde ñgui á mane ya ê tyeñ | Ñgê wo ke jô éfíá éziñ nde aa zu koo náa mõt mfê éziñ a mane ya wõ tele nseñ | |
| 38 | Ñgê mbim ô kúi metôlôk, mõte mvam a ne été | Awú é njí so ôyap | |
| 38 | Ñgê mfê'ô so nlô, ô silane bitúl | Ñgê monyoñ a kát mbe'e, ô nyoñe wô | |
| 38 | Ñgê mone ñnôme a kate aa bendaé bebaé, a kpwele ñkat | Ñgê mõt aa kate ajô biyoñ bibaé a kpwele ñkat | |
| 38 | Ñgê moónyàñ mõt a ñgá ye mé nyômbó' ású, ve asú é lõô; mvús. | mõt te yi mvaé nyô mbôk | |
| 38 | Ñgê monyoñ a dañe wo, ô be'e nye mfek | Va’a Kéza biôm bi Kéza | |
| 101 | Ñgê moñgô aa yi nsá be vá'á nye mbindi | Ñgê môt a kômbô vamban suane nye | |
| 38 | Ñgê mõt a lúme wo ékáñ, wô'ôlúme nye ñgõm | Ñgê mõt a ve wo jôm wô'ô búlane nye jí vok | |
| 38 | Ñgê nalé nalé, ñkôñe te túbe jõm => Ñge ve abím éte bí nto mvôé | Ñgê ve abim ete bi nto mvôé | |
| 38 | Ñgê nkôñ o tôlôbô ô kpwé | Ñgê mi katé jam ô jôôé de | |
| 22 | Ñgê nnôme kup a wôé, metyi bibol | Ñgê mienlam a wôé, mam mese fo’o ve momo | |
| 101 | Ñgê ô jô na wo dí ábine zip, jíbi’i ntéáne kop | Jibi’i njuk, nge wo yi jôm | |
| 38 | Ñgê ô ne mõt ô zúle nlam, ñge ô ne tít ô kele áfan | ||
| 38 | Ñgê ô njí tabe éyoñe jôñgôlô a ñga kon, ke ô yene ve ñkôte ô ne nye nyul | Ñgê ônji be éyoñ jam énga boban ôyene ve mendem | |
| 38 | Ñgê ô yé’ane anôn biyel, ôli’i de dumba’a | Ñgê ô ye’ane môte fulu éziñ, ô sa’ale nye | |
| 27 | Ñgê ô yênê akule mõt mfíáñ, ô tyéndé édí'a | Ë tabe ntye | |
| 38 | Ñgê ô yênê mone wo'o a samé mo élé yôp, a ye bete je môs éziñ | Ñgê môt ave’ele jam éziñ aye de bo | |
| 38 | Ñgê ô yênê nya mõtõ a beté'é nlô ñgol éfase ê mbõñ, a njí bo ndok, a ne atyêñ medí | Éyoñ wo yênê nyamõtõ a bo'o jam, aa yem amú jé | |
| 38 | Ñgê Ôsen a sòo fòé ntut náa mvaé aa kon, za aye sôane? | Ñgê môt ayôñ a kat wô mame ya ayôñ dé te sôane nye | |
| 101 | Ñgê ntée ntú kúp ô wò’ok, ve ñnõm w'ò dí ékon aa jé? | ||
| 101 | Ñgê nyua a wôé oseñle mbietek | Ñgê mba’ale wôé a jemban ôseñle mefulu | |
| 101 | Ñgê ô bútí a boòé, ñgê ô yáné a kôté | Te solé jam | |
| 101 | Ñgê ô mane yañle mone mvu élôpe fe wômien | Eyoñe wo yañele mongô ébiasé, é biasé fe wômien | |
| 38 | Ñgê’ô vô’ôlô mejô me binga a bongô ô bale aboñ | Amu mene teke benya mejô été | |
| 38 | Ñgê wô bôé nnôme si te fe bañ mimbot | Ñgê wo nyoñ ntyiane ya bo jam, te beta vô’ôlô minkobô abui | |
| 101 | Ñgê wo kômbô di ngo’o kup va’a mise biôme kup ja di | Ñgê wô kombô ba’ale môt, te toñe nye mefulu | |
| 38 | Ñgê wo kômbô di woé ya ntondé ébaé, ô tii mone nkoé ngata’a mo mvus | éyoñ wo yi jame be môt wo yiane wulu ane nkombane woé o né) | |
| 38 | Ñgê wo mate biyeyem otyi ôyo | ||
| 38 | Ñgê wo nyoñ ntyiane ya bo jam, te beta vô’ôlô minkobô abui | Ñgê wô kombô ba’ale môt, te toñe nye mefulu | |
| 101 | Ñgê wo vak minkôñ nde bilôp | Melitane me momo | |
| 38 | Ñgê wo wu a da, nde abui azu | ||
| 122 | Ñgê zeê a a ke bi, nde ñgui á mane ya ê tyeñ | ||
| 38 | Ñgê zeê è bo ñnõm, ye njêm jèé é ntóo ndeñkolo bikêlá? | Ye ñgê éjôé é bo ñnõm, be ñga biasè je? | |
| 100 | Ñg'ô wô'ô n'a ye lóñ, a ye lõñ, wõ'õ náa a ê yeke betá lõñ. | ||
| 125 | Ñg'ô wô'ô na a ñgá lóñ, a ñgá lóñ. | ||
| 4 | Ñgôé é ñgá súp minlak ndômenyañ é bilí | W'a ye súpe ma'a, monyoñ (ñge ke mõte wôé) a bilí Mõt aa súp jôme mõte wôé é mien a bilí je |
|
| 7 | Ñka'á a ne ñgul njêm | Mõt a ne ñgul ábum | |
| 7 | Ñka'á a ñgá ku ndók amú ábui mêlêp. | ||
| 38 | Nko ngome te jeme a éza nyas | Môt ane mebun a émien | |
| 4 | Ñkóé Súluk, mebe’e abé | Éyoñ mõt a nê mbía ètaba'a | |
| 38 | Ñkòl ô víáne ndêñe zòk, wo ná jálé ma wô | Ñguñgúl a víáne káte bo jam èziñ, ntetê'wô na wò zu bo ê de | |
| 102 | Ñkóñg'ésep, nlêm álôk. Ve teke ñgul ya ê lô'ô mendím. | ||
| 8 | Ñkóñgó wo wú zaé ô betê ê ñkòé mekõmbo yôp | Ye wo kate bô jam oloo ke jame ya bo ? | |
| 38 | Ñnôme kúp te víêle nseñ | Teke tabe nneñ | |
| 12 | Ñnyálá'ô ne te e fam étyek | ájô é nê éndô, d'á e vo'ò ke sá'ále wo Te ke ñgume abím éziñ é nde é ne mvêane |
|
| 38 | Ntúme ájô te tebe ábo mõt fò’ò ve ê sí | Ajo ése da kombane ve a bôt | |
| 38 | Ñwôé aa vúane, ve ñkune te vúan | Môt ba te kolé obak ane te jia vuane jam ete | |
| 38 | Ñyêne (ñê ke mbooo) mam a ne asú anê njênjêt | Benyaá bebo mam, bê bê ne teke wô'ô jô èziñ avêp êmís. A teke wô'ôsòn. A teke wô'ô nyík. Mbo mam a ne ású anê mbía mõ. Ê bõt bê nê njê ê mbe bê ne beboo bê mam. Minzoé ke míá wô'ô bõt èñgôñgòl. |
|
| 38 | Nya mõtõ a ne èkêlá kábát, a tabe a tabe a múnúkú | Eyoñe nya môtô a to a sili nga’aban | |
| 38 | Nyoò ntyi a za’a ê zen, wô na a ne asú anê zá? | ||
| 38 | Ô ja'á ñgaé ô fombô'ô mie ñgaé asú | éyoñe wo belane éza jôm, fombô'ô mõt ane e je ñge a wô'ôlun, ñge mváé | |
| 30 | Ô láme aa ñkpwálá, ô kol'aa fiañga, ô zú koene bêbêlá a tií | Nge wô bô fianga nsiñ wôé éliti wo bebela | |
| 38 | Ô lõô a toò, nde a toò kôn ábo yôp | E bôte bese mia bebe mia wulu be se wô mvame | |
| 38 | Ô lõô besóm b'á kúmbu, nde b'á tó'oé. | Te te’ebe éyoñ ôné a bot, ba vuñ | |
| 38 | Ô mbe ane ma, ma fe m'a ye bo ane wo | Onon okune tyé, wo yem bôbenyañ bitaba’a | |
| 1 | Õ sáé mõt mebòñ, a jálé wo mbíl | Ô manê volô mõt mevále mêse (ñge ke náa ô manê volô mõt náa á tebe), mõt atê ñnye á ñga zu wosane wo Ñge ô boò mõt mvam, a bêtê wo nyôl |
|
| 38 | Õ túp mintáñán, õ zõmbõ’õ bezimba | ||
| 38 | Õ yeme ntye’e élé, te yeme ntye’e môt | Môt a yeme ve jame ya a loo, ve di ya nleme teke môt a yeme de | |
| 38 | Ôkone w'á yák ñwô w'á ke ndá biañ | E môt a yi jôm nye a sili e be môt a bili | |
| 38 | Õkom ô ne èbeñela’á mvôm | Ntôle mone ô ne èjiáne ésaá wèé | |
| 38 | Õkôs wo vuñ ô lôbô'ô jé? | Nkol Eyoñ wo bo jame wô yeme vome d’aye su’ulan | |
| 38 | Okpwaté te tebe éza minji ve émié | Me teke buni môt ve mamien | |
| 38 | Õkpweñ ne tyele tyele môs éziñ w'á ye timbi ôlam | ||
| 38 | Õkpweñ ô sê ke móñgô áfan | ||
| 38 | Õkpweñ w'á jejaé ébé | Ngaé ése é ne ve ngap ékusabo tyôtyôé | |
| 38 | Õñgò w'á kúu vé ê vi' kpwem avóé? | ||
| 38 | Ônon w'á kun tyé ñwô ô ne ôñgbweleñgbwel ábum | E môt a kun eke ésaé nye aye di | |
| 38 | Onon wo so oyap wo kekam bili nkam | Nneñ te fet éza ajo, oza li’i atii | |
| 28 | Ônyu ô n'áyet, wo vaá ke fos e mbil | ||
| 38 | Osene melo, môt émien nye a vo’é wô | Môte melo émiene a wo’o tobane njuk woé émien | |
| 38 | Osene wo sé bikañ, sep ja sé bikôn, mône nnôme onto mebo si ne landane, wo sé jé ? | éyoñ môt afet mbia minfetek a jo ene te fômbo nye | |
| 21 | Õsôé ô ne ndem ê mimbál, zo'é ne ndem ê metín, ê miñgá a n'ábeñ a ne ndem ê bité mebo | ||
| 29 | Ôsôé ô ñgá kotebô aa yeñ étám | ||
| 2 | Ôsôé ô wô'ô ke, meko'o me lí'í | Mía ñneññ mi kúsá tabe a ye ke wo'o ke ô lí'í | |
| 38 | Õsún ô keya ê bebe ê wò ô bil'ákpwása | Ajô é ki yá bi ntyi’i mejô | |
| 38 | ôsune te bañ ntômba | Môt ébiasé te ko môt wôñ | |
| 38 | Õvôn kêñ, õba’aé mêñ | Ñg'ôvôn ô bú’í, õbaé ô manê | |
| 38 | Saáke abok da wôé mon nde ene tebekele | Bebé ane bia jo na ntyañ ayaé menyet | |
| 38 | Saáke mekàn mêse ñme m'á jêm ê net. | Mõt áse á njí bi ê ñgul ya ê bo ê mam mèziñ. | |
| 38 | Sa ñgule, mõt a ne ñgul aa monyañ | Nge wo kômbô jia’a bô jam, loene bobenyoñ | |
| 38 | Saáke sañe sañ ñnye aa ve tít abui | Sa ke abui ñkobô nde mõt a ne wôk | |
| 38 | Samese samese a nga to’oé éves | Te dañe fial | |
| 38 | So ja tyi’ilane zen na jatoñ ôzakoñ, wôé So, ntyil ke ôli’é ébo | Môt a toñ biom, nge owoé môt ate, teke fe biom | |
| 38 | Soso mimfulu a ñgá ke so mimful ndangeñ | Nkôbô éziñ wo ke so jame afe da solo | |
| 38 | Súlu' è ne teke tyí’ílan ôsôé ñgê te ke tôbane nja. Súlu' te ê dañ õsôé ñgê teke èbêbàn (Mama Sara, Ayoñ Búlu, Thursday 14 May 2020) |
Môte a buni môte a tele nye osu | |
| 38 | Te beté me ékáñ nsôt nlo | Te bo ma jame d'á dañe me ñkôñ | |
| 11 | Te ê wua õkô' ê vôm õ ñgá sòlé èzán | ||
| 8 | Te ê yembe èbôn zo' aa minsôn | ||
| 38 | Tí'ítáne è ne te ê dañ õsôé. | ||
| 3 | Tít é ne ayêne dá. Mõt a ne meyêne mêbáé | Õ tabe'e ntyêl yá e bo e mõ abé, amú ô njí yem e vôm w'a ye yi mvoláne wé. Te e bo mõ abé amú ô njí yem e vô míá nye mí a ye betá ke tôban |
|
| 38 | Títe mefan é ne ayêne dá, ve mõt biname a ne meyêne ábui | Ô ê vo'o ke sá'ále mõ | |
| 38 | Túí è ñgá bômbõ zaé aa minlô míbáé | Eyoñ môt atyi’i ya na abô jam, abo’o fo’o éyoñ jia amu ngo’oé éza kui oteke nyoñ ngume ntyian | |
| 38 | Tyelé'é mfêk nté ñkôñ wôé | Bo'o mam ô ve'e ñgule joé | |
| 38 | Tyíñ ése j'a nye’e è be’ ê ñkêmbé. | Môt ase anye’e olu’u | |
| 38 | Va’a ma bijô adi | Va’a ma ôyôm été ya tebe | |
| 19 | Vá'á me ñku aa bika'áé bíse | Ove môte biôme bié bise, te ke fial | |
| 38 | Wo jeñ toñ kup nlô, je’e ke ébeme abô | Oyeme ajô, ojeñ vom mfe | |
| 9 | Wo (mõt) õ toò ñkôt, wo õ toò ádit, wo fe abé (mbíá) mebe'e. | Abé étaba'a | |
| 38 | Wo suñ nka’a wôé biname, za ke anê wo meboñgem? | Eyoñ môt a suñ jome jé | |
| 38 | Wo yêne mvú è bilí bifúmúlu mesõñ, te ê yeme náa aa dí nyé. | ||
| Wo'áse a a be'e mónê wèé. | txtAtomicWeight | ||
| 8 | Wo'o a ê sóso yôp tee abúi. (le gorille ne peut descendre d'un arbre sans tenir en main un rameau (une branche (et feuilles) | E môt a saé ve nyoñe ma’an | |
| 38 | Wo yá ñgoñe jí õ yê’e vé? | Wô bô jame di ô buni’i za? | |
| 38 | Woò yeyeme anê ta'a ya éwôñgá aá kuane | Woò yemê ke anê mam mê wô'ò sú'úlan | |
| 38 | Wòwúá wò vo'ò ke ká'áte jõm | ||
| 100 | Y'amú Zeê é ntóo mbut ányu, ê nde njem jèé é veñesáane ya ê ndeñkolôõ bikêlá? | ||
| 38 | Ye a kpwèé ékon ése, á ntòo ve asañ | Ye biome bise me bili o nga nyoñe ngap | |
| 8 | Ye a tôbán ñkaná á ntò avúmáne? | O so na wo zu dulu doé, onga fulane mam a ma | |
| 8 | Ye a temeteme jam, o ntumu éyôé? | éyoñ môt ave wo jôm ônji buni wo ve wo’o ôlun | |
| 38 | Ye a bé’é nê kpwêk, kpwê' a víáne ke ku ne waaaé | ||
| 15 | Ye ane ô yiáne kôt, te e fe bu'i ésulán? | Ye ane ó yiáne fúlú éziñ, ô te fe lõt áajô te kobô? | |
| 38 | Ye asômbõ dá èdú' ve ê jáé? | Ye adiin anyu da bifia bise ve mane kui ? | |
| 38 | Ye atáta’a jam é toò ñgul, é ñga víane ke man nte'án? | ||
| 38 | Ye atáta";a mbaé ve èlát’èlát | Ye o taté’é na wo bo jam ento ke ve ngul ? | |
| 38 | Ye b'á ye yeme na awut a ne monyañ mfome di v’asup a nyole ése | Sa ke amu na wo zembe nde ba ye yene wo | |
| 8 | Ye be liti wo afan, be liti fe wô biyo? | Sa bôte mbe ba ye ye’ele wo mam mese | |
| 38 | Ye bèbè õkàñ á ntóo avúmán? | Mame me ne ôdôme me ne abé | |
| 101 | Ye beyêñ b'á batane bekôn? (Nde beyêñ b'á batane bekôn) | ||
| 38 | Ye bi ma mon onga kpwelebane mebé? | Ye volo’o ma onga vambane ma mame mese ? | |
| 38 | Ye élé é ku ya ve ñgui è ba’á? | Ye ê mõt a ñgá sóo wo á ke ya, ve õ toó? | |
| 22 | Ye èvòlo’o j'á buk ébak? Carole: Ye èvòlòk é ñga bú' ñkel ébak? |
Ye môt a loene wo jam dé oviane de zembe | |
| 44 | Ye jame afê é ñgênán, amú kúp é ñga zu jêñ mebíáé a é bô'ôbô | Eyoñ bôt be maneya bo’oé ngume jam be nga zu kandane | |
| 55 | Ye kúl ébáé j'a káte dí ékõl ôsé jíá? | Ye bôte bebaé ba kate bo’oé jame da? Sá ñgula, mõt a ne ñgul aa moònyáñ = éyoñ mí á fulan meñgul, bõt bêbaé bêlál, bênyin, ású jam èziñ, jam éte d'vo'ò ke mía kát. |
|
| 44 | Ye me nto abut | éyoñe môt ase a kombo jeñe na a kobô wo tô’ô môt ane te ngul nyo, ve kobô wô | |
| 101 | Ye metyõ'õ mê tôk? Ye wo tyõ'õ ma metyõ'õ mê tôk? | Éyoñ wo símesane mõt ve éyoñ wo ê belane nyê. | |
| 111 | Ye mí á víane bo anê mbame ásázá? | E bôte be ne te njôô | |
| 38 | Ye mvam j'a kate ayem? | Ye wo ke ê mõt a ê nyii wo õlún ê nyôl? | |
| 38 | Ye ndôndo a ne moñgô ébáñ bityé? | Ye a ne náa ñge mõ a koné, ñge ke e bo étun, be na a sê fe mô? | |
| 22 | Ye ndône otui ô lume anyu fé, ndône medjap oviane te’e anyu | éyoñe mbia jam ané ô bene, éyoñe mvaé éné, ovamban je? | |
| 8 | Ye ñge Ze édañe ôsôé ye éviane bô ébiole Ze? | Ze éne étame, ébiole Ze fe étame, osoé ovo’o ke va nye ngul éziñ, môt ase abili ngule jé to’o na ane mekua | |
| 38 | Ye ñge Zeê é kôté, be na á ntòo Èsíñi? | Ye ñge fá é boò tyôtyoé ñge ke étun, be na a sê fe fá | |
| 3 | Ye ñge zoñ é yésé, be na é ntòo ôkúm? Ye ane zoñ é yese, be na é ntòo ôkúm? |
Ye ñe mõ a boò étun aa tyôtyoé, be na á ntòo moñgô? Ye ñge mõt aa bo te sak be na a ne moñgô? |
|
| 88 | Ye ñg'ô yem élòk, wõ'õ n'é sê fe biañ | ||
| 22 | Ye ñkeñele mon wo kui mintyañ asu? | O ndome so, be maneya ke wo yem | |
| 44 | Ye nyo ntyi aza'a zen wõ náa ane asú anê za? | Õjeja'a | |
| 44 | Ye ô ne bivine bi nkumba, bia ku osu, bia ku mvus | Te ke ngume ngam | |
| 44 | Ye ô ne èkobô kobô ñkee édúk? | Te sili nye jôme ve anga kate bôte vôm a ke | |
| 66 | Ye õ ne mesò wõõ meke wõõ? | Môt njoñ "njoñolo bôt" | |
| 66 | Ye ô tii ébé ô jômo ébas | Ye ô bili li, ô bili li | |
| 55 | Ye ô woé môt okele fe nye ébeñse ? | Ye ô bô môt mbia jam onga lep fe nye ? | |
| 33 | Ye osene aa viele mefo’o mé ? | Ye môt aviele biome bié ? | |
| 66 | Ye sôngo jenane nyi éngenane fo’o be yindi | Ye mame menane ma me ngenane me bili fo’o betebe osu ? | |
| 8 | Ye teke síli náa, "á wú áyá?", ve náa, "Za'á bí ba" | Nalé aliti fulu ézembe teke tua fas atata’a jam | |
| 66 | Ye tit wo tyi, ô beté’é je minkot étañ | ||
| 88 | Ye toñ ébete Mesete anyu be na a Mesete loñ toñ | éne na môt a za’a bô jam be ve beta tindi nye | |
| 55 | Ye ve ndo’o ndok, te ke mefe’e ya ndok | Ye wô kombô bo jame te ke de yé’é | |
| 33 | Ye ve nkone nkone, teke ngit ? | Ovo’o tôbane fo’o ve mvaé teke njuk éziñ | |
| 11 | Ye wô bo a ne sam abañgak | Te sondô bo jam | |
| 66 | Ye wo bô biyé’é bi nke Mvele ? | Eyoñ môt a taté bo jam, ve viane wumule de | |
| 44 | Ye wo bo ma ñgbwa miñkòñgò a benyò? | Nalé na mgbwa meduan | |
| 77 | Ye wo bo mejeñ mê nsòé fa? | Ye wo bobelan | |
| 33 | Ye wo dek avôl ane ébon jaman? | Ojeja’a | |
| 22 | Ye wô kate ba nkul ôlô mona minga ? | Ye wo kate bôndé fek ôlô bebela | |
| 100 | Ye wo ke mbile mintomba ? | éyoñe môt a wulu te yene suk | |
| 99 | Ye wo kpwáé ása dóé aa mekêk ? | Ye wo nyoñ jome joé ane nwuwup ? | |
| 98 | Ye wô lô’ô ôsôé ngumba | éyoñ môt a kobô ajô te tua jiane de | |
| 97 | Ye wo síli ma minsílí mí zame | O lô môt abe’e mbôme zam, osili nye na ye wô so zam | |
| 95 | Ye wo tindi bial wo te tyi’ilane wo osoé a mvus abo amu o nto kindik ? | Ye wo bulane môt ate volo abé ? | |
| 94 | Ye wo tup mintañan ôzômbô’ô be zimbi | Bebé ane môt a tup évula bebase éne teke deñele ve aviane bi vofoe éne nye lop | |
| 94 | Ye wo túp zo' ê biduñ | Éyoñ wo túp mõt te táté yem | |
| 86 | Ye wo ve'e jõm ábìm è têle sí? | Õlõô zozoo ya jam ôbeta sili na zosoo ane vé ? | |
| 100 | Ye wo viane yene fes éjilik éne môt mfe dis, ve teke yene beta nkok élé ane womien dis aya? | Wo yene ve ésa jujk, te ke yene énwoé? | |
| 93 | Ye wo vuane biyeyeme a alu ayap? | Ye amu oyap nkandan o nga vuane mam? | |
| 1202 | Ye wo wome ntyene akoñ ôkpweng o ntele | Ye wo bô jame nguku’u | |
| 104 | Ye wo wô'ô minkoé õlún éza ába? | ||
| 31 | Ye wo wô'ô zel adit ézá émú'ús | Ye wô wôk éza mam olun ? | |
| 1988 | Ye wo wulu áfúp dõé kúkuú? | ||
| 98 | Ye za'a ma ke líti éduk, ô ntele minkele mi fon osu | Ye za'a ma volô ôonga viane vôlô womiene ? | |
| 342 | Ye zam jamane dík a miñkoñgo mise | ||
| 343 | Ye zele zel ébo’o ônga wua mekoñ | Ye te tate vo’olo ajo o nga yalan | |
| 344 | Ye zo' j'a jáñ ôbut? | Ye fám j'a jáñ nseñ été ? | |
| 345 | Yeké’é dímê díse dá. | ||
| 346 | Yôp tee õyap ve mbía abeté | Õ lõô jame tyí'íbí, nde é sne njùk | |
| 347 | Ze anga jo Ekela na, bi woé medi, ebo ke te woé medi, nsili na wo ye di jé? | Eyalane na Ekela mõt ase a wulu a bôt ya zia jé | |
| 7 | Zeê a ñgá nêne avêñ aa mbán ñnyíán | Mõt aa nêne ajô aa zézé mam | |
| 32 | Zo' j'a min mfêndêk è búni' èláñ jé | mõt abo jam abuni’i ngule jé | |
| 352 | Zute Ze, nyumulu wua ve ngañ nlo | Jom éziñ é vo’o ke bô ma | |
| 38 | ------------------------------------------ | ||
| 99 | Ye wo bô me yeña’a me njeñ abok? | A kôlô afup dé ve dañ nné Nalé na wo viane lii jame wo bo ôviane bo mefe | |
| 38 | Ñgê ô njii nsondane ntoñ, ô fômbô alo mvu | Bo’o fek | |
| 100 | Ye wo zômbô ébôbolo ndiane à tyi’ibi akuli | Ye wo basane ma amu fulu me bili ? | |
| 55 | Anòn ése d'á dí fôn; ve ñga'a a a tyebele. | ||
| 88 | Ye wo bene Ongene atobane Atemeteme ? | Ye wo bene fe’e osu amu nyi baa eyenéya ? | |
| 348 | |||
| 349 | Zoé anga di nguan a mbane meyen | ||
| 350 | Ye bi ê me món, ô ñga yaban jaé? | ||
| 351 | Ñg'ô koó nya ê mõtõ a beté'é nlô ñgol ê mbõñ, á njí bo ê ndõndók, a ne atyêñ ndíán (atyêñ mêdí). |