Ñkaná - Mboán Mêló Ô N'Abé

Ê nlam èziñ, mõt èziñ a mbê a bilí abui bón. Nal'a ne náa mónê wuá y'è été a mbê ntôl. Ntôlê-Món a ñgá yáé ve a mbê tek'akúm.

Mõs éziñ Ntôle-Món a ñgá jô émíene náa, "M'a zu ke ê jàjañ ndô'ôtõ ndômejañ é ne me volô."

Anê Ntôle-Món a ñgá ke ê jàle be nyiá. A kate ndômenyàñ náa a a yi zene ya ê bi ákúm.

Ndômenyàñ è ñgá mane yám bibap bílé aa mekáé aa mebiañ mefê. A mane wó'o Ntôle-Món. A vê fe nyê mebiañe yà ê nyú.

Éyoñ monekál a ñga zu ke, anê ndômenyàñ é ñgá mane bótane mone kál. Ndômenyàñ é vê fe nyê tóloó.

Anê ndômenyàñ é ñgá jô monekále na, "Atiñe dá m'a vê wo é ne náa, 'Te wo wôé ôsên ä tóloó nyi.' Ñg'ô wôé ôsên, õ yemê na ô kòp ya átiñ. Nalè akúm dôé ése d'á ye mane jáñ aa teke náa w'á ye betá bi akúme mõs éziñ."

Anê Ntôle-Món a ñgá búlán ê jàle dé.

Mõs éziñ, Ntôle-Món a ñgá ke éwua ä tóloó wéé. A ñgá yêne zok.

A ve'é. A wuá. A lúmek. An'a ñgá wôé zok.

Éyoñ Ntôle-Món á wôé ya ê zok, a ñgá mane ba. A kuán ábui y'été. Ábím àvók, Ntôle-Món a ñgá loene bõt ê nlam wé náa bê zu nyoñe ñgap jàp. Anê b'áa be bõte yà nlam bê ñgá ke áfan ê vôm zo' é mbê è bôo. Ñtôle Món a ñgá tem náa a lõô ôsên ô betê zo'o ê yôp.

Ê nde bõt bêse bê ñgá ba zok. Bê kêle bifúfus ê nlam. Anê bõt bê mbê bê kele ê nlam, Ntôle-Món a ñgá yêne ôsên ô tõñe nyê. Ntôle-Món a ñgá titan õsên akúi õsên ô ñgá ke. Anê melú mê ñgá lõt, akúm Ntôle-Món é ñgá nên. Ntôle-Món á ñga nyiñ mbamb'ényiñ. Mõse ôfê, Ntôle-Món a ñgá to'oé tóloó wèé a kêl'áfan. A ñgá yêne mbam bezok. A sôñe. A wuá. A n'a ñgá wôé zok. Ntôle-Món a ñgá ba abíme zok èziñ. A kuán ábui y'été. Ntôle-Món a ñgá ke ê fe ê nlam. A kê loene bõt bê zu ba ä nyoñe ñgap jap.

Éyoñ bõt bê mbê bê búla'an ê nlam, Ntôle-Món a ñgá tem ôsên w'a zu w'á tõñe nyê ê mvús. Anê Ntôle-Món a ñgá síli émíén na, "Ndômejañ é ñgá jô me ná mê bo teke wôé ôsên. Ve amú jé ôsên wuná w'á ndêñêle ma?"

Anê Ntôle-Món a ñgá jô émíén náa, "Mê njí yem amú jé ôsêne wu w'á kômbõ me kpwê'êle ábui áná!!!"

Éyoñ Ntôle-Món a ñgá káte jíbí, a ñgá jô émién náa, "Me káte ya ê njíban ôsêne wu. M'a zu wô wôé!"

Anê Ntôle-Món a ñgá nyoñ tóloó ndômenyàñ é ñgá vê nye. A futi ôkôk. A fombô ôsên, a wuá tóloó. Õkô'ô ve ê ke. Ôkô'ô lúm ôsên. Õsên ve ê wú. Nálè Ntôle-Món a ñgá wôé ôsên.

Éyoñ Ntôle-Món a ñgá ke kúi ⌉ nlam, ve ê tem náa akúme dé ése ê mane ya ê jáñ. A fombô vôm áse. Teke yêne jôm. Ve bõt bêse ya ê nlam bê mbê bê wô' õlún ä bê wô'õ Ntôle-Món éñgôñgol.

Éyoñ Ntôle-Món a ñgá yên ábui ôson ô ñga kúi ê be nyê, an'a ñgá k'afan étè. Anê Ntôle-Món a ñgá yêne na á kop ya átiñ ndômenyàñ è ñgá vê nye ä á mane ya ê jáñele ákúme dé, an'a ñgá timban ñkol. A wúí.