A ñgá bo náa, Mvon b'áa Kõs bê mbê amvôé. Bê mbê fe be toó áfane dá.
Mõs éziñ, Mvon a ñgá jô mvôé jèé Kõs náa, "Za'á ñhe bí ke nyú ébus! " Kõs a ñgá yalane náa, "Mómo, nál'a ne mbía jam. Bí njí yiane nyú dên, bí zá wuí!"
Ve Mvon a ñgá ke ôsú aa tundi ñkóbõ ("parler beaucoup, sans arrêt"): "A mvôé jam Kõs, za'á bí ke nyú ébus áfan!"
Éyoñ Kõs á káte ya ábui ñkóbõ yà Mvon, an'a ñgá sú'úlane kañese.
Anê Mvon b'áa Kõs bê ñgá k'a áfan. Bê kele b'á jêñ álên é mbê aa meyok. Anê be ñgá ke koene alên aa èbus é leñek.
Anê Mvon b'áa Kõs bê ñgá nyú ébus. Ve Kõs a ñgá tundi bilám ("boire á l'exces, sans arrêt"), a báme'ek, a yôta'an.
Abui ánòn é ñgá wô'ô tyíñe Kõs. Anê bê ñgá tôkan amú bê ñgá kômbõ yem e vôm zõ'é j'a só (e vôme ábui miñkóbô aa bidùñ bí á só), aa amú jé.
Monê ndômán èziñ ê fe è mbê mfá'á yà áfan éte. Nye'e fe a ñgá wô' ábui ê zõ'é. An'a ñgá ke e nlam a kele nyoñe tóloó.
Éyoñ mone ndômán a ñgá suan e vôme Kõs a mbê, a ñgá yêne Mvon a só'o bilám a ndembe'ê fe.
Anê móñgô a ñgá wua mfá'á Mvon a mbê. Ôkô' ô lúme Mvon. Anê Mvon a ñgá wú. An'ánòn ávó' ése é ñgá túp.
Ê nde móñgô a ñgá tó'oé mbime Mvon. A kêlêe wô ê nlam. Nálé Mvon a ñgá wú amú a ñgá bo teke vô'ôlô mvôé jèé.