Bikañgá Yà Ñkobô Búlu - Ekañgá Y'Eduñe ÑGBW

Bifíá b'iziñ yà ñkobô Búlu bí bilí èdúñ aná:

• 1. Anyu é ne ndibán. Ê ányu èté, áfôla éñgoñ, õyêm wò fet mvebe (bí á yeme náa jôé é yòo)
• 2. Biyáé bí á yòmbô
• 3. Ve ê temê tem:
  • (a) õyem wò kándan ä andil yà ányu
  • (b) ébáñ mfebe j'á kúi átàn ányu ä ê jôé

Eduñ éte é ne éduñ jíá yà bõt ya Améleka bê ñgá loene náa "Nasal Sound". Be njí bê ñyemba'ane ä èduñ éte amú é njí ke bê miñkobô míáp. Nde bê ñgá fas avál avé bê nê tili éduñ éte. Bê ñgá jêñ miñkobô yá Latín bê mbê bê yemek (Englis, Fulasí, Étalí, ä Panyá). Éyoñ bê jêñe ya mevále mevál ve teke yên ékangá bê nê belan jê, nde bê ñgá be'ele náa b'á zu bámetán bikangá b'iziñ ású èduñ bí á te ven. Bê ñgá be'ele náa b'á zu bámetán bikañgá "ñ", "g", "b", ä "w". Nál'a ne "ñgbw".

Bí aye ke ôsú ä belan "ñgbw" ású éduñ bí á te ven. É ne náa ñkobô Búlu w'a fe'ele na éduñ yá "ñgbw" é ne ñgúmb'avál ékangá. Nde ñgê bí á yi ékangá y'été, bí bilí bitaé bíbáé. Bí ne jêñbíkañgá bí ntòo, nál'a ne náa bí ne tòp ékangá jíá y'été ású "ñgbw". Èñgus baá é ne náa bíá bêbien bí ne kañ ékangá anê bí á yênê mváé. M'a ve éve'ela ású èkañgá nálé:

---

Mimféfé Bífíá

• e be'ele: to decide/décider
• e fe'ele: to consider/considérer
• èñgus: solution
• étaé (bitaé): option
• ôbe'emba (abe'emba): alphabet
• e ven: to describe/décrire