Èvia' Ê Nyúle Mõt-a-Binam - Añgêtêñ
Èmek
Ê nyúle mõt, añgêtêñ é n'è éfas é nê ê dóp ê sí.
Añgêtêñ
("The Hips")
Éfase j'á lat ñkuk aa mebo é ne jôé na añgêtêñ:
("The part that connects the trunc to the feet is the hip region")
Èbõk
Añgêtêñê miñgá é ne fe jôé na èbõk.
Atõan
Ntēn w'á kándè abum aa añgêtêñ ô ne jôé na atõan:
Abum E Sí = Mvumesí
Éfas ôsú yà áñgêtêñ é ne jôé na abum-sí, ñgê ke mvumesí:
Mvumesí è bilí bisìl b'á loene náa mevul.
Bíôm Bí Fám
Mvumesíi (abum-e-sí) fám a ê nyíi miñgá b'á selan. Fám è bilí mbêñ b'áa loene náa nsót.
Jômê fám é bilí mbìl. Éyoñe fám j'a vê menyôlôk, mbìl ôte ñwõ w'á kúli menyôlô'ô átán:
Éyoñe fám j'a vê menyôlôk, mbìl w'á kúli menyôlô' ô ne jôé na ève.
Éyoñ fám j'a bíálé, éfas ôsú yà jômê jé é ne mbútán aa èkõp b'á loene náa atyēl. Bê wô'ô tyí' átyēl éte.
Ê nsót ê sí, fám è bilí mfê' ô toó mvúlán aa èkõp. Mfê' ôte ô bilí mimbàñ. B'áa loene mbàñ ôse y'été na abin.
Bíôm Bí Miñgá
Mvumesíi miñgá è bilí jôm b'áa loene náa mvēl.
Õsú mvēl ô bilí mon'ébumá b'á loene náa õsõt:
Mekàn
Ê mvúse mvumesí, nyúle mõt è bilí bibumá bíbàé. Èbum'ése y'è été é ne jôé na akàn:
Èláñ
Ê zàñe mekàn, nyúle mõt è bilí mbìl b'á loene náa èláñ.
Ève
Áñgêtêñ, fám è bilí mimbìl míbàé (èláñ aa ève) ve miñgá a bilí mimbìl mílál. Ê be miñgá, ève é ne ê mbìl ê lále. Ève ê miñgà é ne ê zàñe mvumesí aa mvēl.
Bí á tê yênê na éyoñe fám j'á vê menyôlôk, menyôlô'ô mé m'á kúí ê nsót. Ajô te, fám j'a vê menyôlô' è têle têtelê.
Éyoñ miñgá a a vê menyôlôk, menyôlôk mé m'á kúí éve. Ê nde, yemê na fám è bilí éve ê nsót. Miñgá fe a bil'éve, ve ève ê miñgá é njí ke bo ê mvēl.
Njalañ
Éfas é nê ê zàñe mvumesí aa èláñ é ne jôé na njalañ:
Mfô'ôsán Áñgêtêñ
Mõt a ne tíndi áñgêtêñ ôsú:
Mõt a ne tíndi áñgêtêñ ê mvús:
Mõt a ne nyi' áñgêtêñ a tíndí de ê mbó-ñnômê wé:
Mõt a ne nyi' áñgêtêñ a tíndí de ê mbó-ñgál ê wé:
