A ñgá bo náa ñgál b'áa ñnôm bê mbê bê toó.
Mōs éziñ, fám è ñgá ke j'a wulu. Ñgál a ñgá lí'i ê ndá.
Éyoñ õbè ábóñ ô lõte ya, miñgá a ñgá têbe ê fán. Éyoñ a ñgá fombõ átán, a ñgá yên ñnôm a za'ak. A ñgá yên ê fe fám èziñ è tõñe ñnôm.
Miñgá a ñgá ke tôbane ñnôm ê señ.
Miñgá a ñgá báme ñnôm a a jô na "Á kábat! Mía zá mí á zu ê le?"
Ñnôm a ñgá yalane náa: "A ne mvôé jam."
Miñgá a ñgá síli ñnôm ê na: "Ê nde a ê ke ê vé?"
Ñnôm a ñgá yalane náa: "M'a tê nye báñête náa á zu bía jom."
Miñgá a ñgá jô na: "Yên'á an'ô be' éñge' nlô! Wo tê nye báñête náa á zu bo jé? Nd'é és'è ne mvit. Dên á ntóo ñgon élál me teke vós ê sí. Bí njí bi ê bidí. Dên á ntóo sónd'è ébàé me teke yám. Bisúá bíse bí ne bikôkóé. Nyumulú'u ma! M'a nyum metut amú á ntóo ñgúmba sóndõ me teke wóban. Zá áka'á búa jôm ê me ñgá lú'ú di? Jé j'á tê bo náa ô báñête nyo mvôé á zu bía jom? Yalá'ane ma ékôkóé nlô!"
Fám è ñgá yalane náa: "A a jô na a a kômbõ lúk.