A ñgá bo náa ñnōm éfendè (ñnōm ê ñgál b'áa ñnôm) bê mbê bê toó ê tawôlõ bê já'ak, bê símêsa'an ènyiñ jáp mfá'á ya mímbú mí ñgá lõt ényiñe jáp.
Anê ñnôm a ñgá jô ñgál ê na, "Édiñ jáam, dên á ntóo ayap éyoñ bía wo bí nê nlú'án. Bía wo bí ñgá nyiñ mbamb'ènyiñ. Bí ñgá bi bón áwôõm. Bí ñgá ke ê minlame-minlam. Bí ñgá yên ábui ê mam. Ajô te m'a wô'ô meva' ású ényiñ bía wo bí á tê nyiñ. Á ntóo ayap éyoñ m'a kômbõ wo síli jam èziñ. Jam éte d'á ndêñêle ma abui. M'a yi ô kate ma bêbêlá".
Anê miñgá a ñgá jô ñnôm ê na, "Síli'i. M'a ye yalane wo."
Fám è ñgá jô na "M'a yeme náa bí bilí bón áwôõm. Bón ébùl ê y'été bê ne mvam, bê n'èsôs, bê n'avúmán, bê n'èsémé, bê n'akap, bê ne anyep, bê n'atyêñ."
Fám è ñgá ke ôsú a a jô na, "Món ê wuá a a selane bá bevók. Ye món ate a bilí ésaá mfê ñga?"
Miñgá a ñga sili asú ê sí. An'á a ñga yalan ñnôm na, "Õõwé. Mon at'a bil'ésaá wèé."
Anê ñnôm a ñgá bám a a jô na, "Éyoñ ése jí me mbê me ve'e fe'ê na món ate a a selane bá bevók. Món at'a ne meló, a n'èbiasè, a ne bikálák, a n'õkõlõt, a ne ánye'ê, a n'afom, a n'èlēs, a ne ndímán, a n'anyu, a ne bimo, a n'èfua, a n'asúk, a ne minsòs, a n'asum, a n'atēk, a ne njóñ."
Ê nde ñnôm a ñgá síli ñgál ê na, "Kat ê ma. Món ê wuá ate a ne món a zá?"
Miñgá a ñgá yalane náa, "Éñgõè."
*meló* *èbiasè* *bikálák* *õkõlõt* *èlēs* *ndímán* *anyu* *bimo* *asúk* *minsòs* *asum* *atēk* *njóñ*
èfendè (abui: bifendè): _((a) couple (of two beings in a relationship of any kind)/couple (deux êtres une relation quelconque))_