Mba'asum báa Õjam bê mbê bê toó áfan dáp.
Mõs éziñ, Õjam a ñgá jô Mba'asume náa, "Kelê nyoñe bía ndúán ê nlam."
Mba'asum a ñgá jô Õjam náa, Anê m'a ê ke, te wo lõbõ aa mis ê vôm mfê, ve ê zen m'a ê ke; te kábêke."
Anê Mba'asum a ñgá ke.
Mba'asum a zú koé náa bõt bê mane ya ê bôlé ê nlam.
Mba'asum ve ê ke aa jêñe ndúán. A kêlê vôm wuá, te yên. An'a ñgá ke ê vôm mfê.
A zú koé õyõme ndúán tyôtyoé ê dí èté. Á ñga vúñúlu. Ve ê zú vúñúlu, nê vúñúlu, vúñúlu, vúñúlu! Ndúán te káp. Nsoñ ve ê zú bo ê nye ányu. An'a ñgá tyili. A búlàn ê jàle dé.
Mba'asum a zú koé Õjam a ntóo mís nê ñgêêñ! An'a ñgá jô Ôjam náa, "Je j'á tê bo wo mís ánên aná?"
Õjam nyê na, "Kê wo m'a síli náa, 'Je j'á tê bo wo nsoñ ányu aná?
Ane ákúkut ábae é ñgá bi binyámetan ê menyúl máp.
e nyámetan: to deform/déformer
ènyámetan: deformations/déformations