Èdùñ - Jé é nê édùñ?

Èdùñ é n'èdunu j'á líti náa mõt aa wôk, ñgê ke tít j'a wôk, ñgê k'õnon w'á wôk, éyoñ mfebe aa ê nyes (saáke èñges, bí á yeme náa èñges é ne teke nyes; èñges é te'ê). Nál'a ne náa binyus (binyus bí ne bo ávále dá ñgê ke náa bí ne jutan bíôm mevále mevál) b'á fô'ôsan, b'á tôban, aa b'á tômetane, abui.

Éyoñ alò (aló môt'a binam, aló tít, ñgê ke al'ônòn) é ndeme wô' édùñ, aló d'á lôme boó õnyóo é jô'ô náa, "M'a tê/kê wô' édùñe jiná. É ne jé?"

Èyoñ éte, boó a a fombõ nsá' mímvêán, ñgê k'õmvol, yá bidùñ bíse a ê yem (nál'a ne bidúñ bíse ô wô'õ ya nt'áa n'ô ñgá bíálé, sesaalê bídúñe boó á mane ya ê vúan). Ñgê boó a ne ñgul ya ê vap nê sáñ sáñ! édùñ éte, boó a kate wo jôm édùñ ét'é né.

Ñg'abui bíôm bí ne kas édúñ éte, ñgê k'abui mam mê ne kas ávále édúñ ète, boó a vê wo õmvol ya ê mam mê nê bo náa èdùñ éte é kasan.

Ñgê boó a sê ñgul ya ê vap édùñ aa tê/kê kpwam, ñgê ke náa aló é njí ke vê boó õnyóo ô nê nê sáñ sáñ!, ñgê ke náa boó aa jòbetan (boó aa káte tú'á yeme ájô y'édùñ éte), ñgê ke náa boó aa káte be'ele (aa káte nyoñe ébe'ele), èyoñ éte boó aa jô wo náa, "Me sê ñgul ya ê kate wo jôm èdùñ ét'é né."

Mimféfé Bífíá

èdunu (bidunu): signal

e be'ele: to decide/décider

èbe'ele: decision/décision

èñges: air

ènyus (binyus): molecule/molécule

e jutan: to belong/appartenir

e kas: to produce/produire

e kasan: to be produced, to self-produce/être produit, se faire produire

e kpwam: to receive/recevoir

e nyes: to vibrate/vibrer

õmvol: list(e)

e vap: to identify/identifier