Bifiá Binyum
Ñkóbô Búlu ô bilí bifíà b'iziñ asú binyum. Bifíà b'iziñ ê y'été bí ne:
abam: (smell like that of urine/odeur qui ressemble à celle de l'urine)
Ènyum àbam j'á wô'ôtan éyoñ mõt aa tê/kê ve menyôlô' énoñ ñgê ke ê njóñ. Ényum éte j'á wô'ôtane fe éyoñ tít (ñge ke éyêm) é ndeme mane vê menyôlôk.
menon = menyon: (smell of meat/odeur de viande)
Menon báa Menyon bê ne ènyum j'á wô'ôtan éyoñ ô mane ya ê ba tít, nál'a ne éyoñ bifús bí tít bí bôo ê tyia, ê tawôlõ, ñgê ke ê vôm èziñ.
menyôé: (smell of mutton, goat, etc/odeur de chèvre)
Menyôé, ñgê ke Metut, a ne ènyum j'á wô'ôtan mfá'á bekábat (õ ne wô' ényum éte éyoñ kábat j'a ê lõte wo ê fefêl), á dañe dañ bikêlá (èkêlá é ne ñgál kábat).
metul: (body odor, disagreable smell from a person or an animal/mauvaise odeur d'une personne ou d'un animal)
metul mê ne éyoñ mõt aa ê nyùm abé, ñgê ke tít (ñgê ke éyêm) j'á nyum abé. Ènyume metul j'á selan ê be bõte bõt. Ènyum éte j'á selane ê fe ê betít betít. Nál'a ne náa bõt bêbàé bê ne nyum ábé vedá metul máp m'á selan. Nálé fe tít ébàé é ne nyum ábé vedá binyum biáp bí á selan. Ê nde metul m'á selan.
Vedá metul mê n'abé amú bõt b'á wútan mesú éyoñ b'á wô'ô metul mê mõt èziñ ñgê ke metul mê tít èziñ.
ñnáñ: (smell like that of burning skin/odeur qui ressemble à celle de peau brûlée)
Ènyum ñnáñ j'á wô'ôtan éyoñ mõt aa vóoé tít. Ènyum éte j'á wô'ôtane fe éyoñ miñgá aa vóoé èsìle jé éyoñ aa ê bo nyañgá.
sêm: (smell like mint or lemon-grass/odeur qui ressemble à celle de la menthe)
Biló' b'iziñ mbíe bí á vê ényum sem. Biyoñ b'iziñ, õ ne wô'ô ényum sem ê mamêtyé ê zen éyoñ wo ê ke áfúp á dañe dañ ñgê mfô aa tê/kê nóñ aalú. Õ ne ê fe wô' ényum jí ñgê wo miat ñgê ke náa wo ko'o mekáé mê ñgombàñ.
õlobínda: (nice smell like fragrance/agréable odeur de parfum)
Õlobínda a ne jôm, aa ényum yà jôm, bõt b'á wó'o ê menyúle máp náa bê nyume mváé. Õlobínda á njí bo "Naturel". Bõt ê mbe b'á kõme jôm j'á ve mbamb'ényum.